Plantun de Prouvènço

Pèr coumpara dos planto d'encò nostre

Helianthemum salicifolium & Vicia narbonensis subsp. johannis

Helianthemum salicifolium

Cistaceae

Nom en français : Hélianthème à feuilles de saule.

Descripcioun :
Es uno di dos massugueto de Prouvènço (emé Helianthemum ledifolium) que fai pas de ligno. La massugueto-di-fueio-de-sause es uno erbo de l'an que flouris soulamen lou matin d'ouro. Es pèr acò se vèi pas gaire alor qu'èi pamens coumuno. Se recounèis peréu que se tèn bèn drecho, li fueio soun óuvalo emé de costo que se vèson bèn, e pourtado pèr un pichot pecou.

Usanço :
Li massugueto èron acampado en Espagno pèr la farmacìo tradiciounalo e soun couneigudo pèr lucha contro li microbe (poulifenol).

Port : Erbo
Taio : 3 à 30 cm
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Helianthemum
Famiho : Cistaceae

Ordre : Malvales

Coulour de la flour : Jauno
Petalo : 5
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : 0 à 700 m
Aparado : Noun

Liò : Garrigo - Tepiero seco
Estànci : Termoumediterran à Mountagnard
Couroulougi : Pancaro entresigna
Ref. sc. : Helianthemum salicifolium (L.) Mill., 1768

Favo-fèro

Vicia narbonensis subsp. johannis

Fabaceae Leguminosae

Àutri noum : Garofo, Pesoto.

Noms en français : Vesce de Narbonne, Fève des chevaux.

Descripcioun :
La favo-fèro douno d'èr à la favo emé si gros fueioun groupa pèr quatre. Lis estipulo e li flour de 2 à 3 cm soun grando peréu. Trachis en ribo de champ. La subsp. johannis se recounèis à si fueioun pas denta (au contro de la subsp. serratifolia) e à si flour jaunello emé l'estendard veina de vióulet e la carèno e lis alo negrinello au bout. Coumpara emé la subsp. serratifolia.

Usanço :
Ramenten qu'èi pas counseia de manja de grano de vesso, que soun empouisounanto e dounon uno malautié néuroulougico, lou latirisme (presènci d'ODAP).

Port : Erbo
Taio : 20 à 50 (70) cm
Fueio : coumpausado
Tipe bioulougico : Teroufite
Cicle bioulougico : Planto de l'an

Gènre : Vicia
Famiho : Fabaceae
Famiho classico : Leguminosae

Ordre : Fabales

Coulour de la flour : Vióuleto
Petalo : irreguliero
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : 0 à 600 m
Aparado : Noun

Liò : Champ - Camin
Estànci : Termoumediterran à Subremediterran
Couroulougi : Pancaro entresigna
Ref. sc. : Vicia narbonensis subsp. johannis L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Helianthemum salicifolium & Vicia narbonensis subsp. johannis

Coumpara Massugueto(-di-fueio-de-sause) emé uno autro planto

Coumpara Favo-fèro emé uno autro planto